Hérna höfum við tekið saman svör við algengustu spurningunum sem við fáum. Vonandi finnurðu svar við þinni spurningu hér.
Þarftu hjálp?
Vonandi getum við svarað þér.
Hvað er Center Hotels?
Center Hotels er íslensk fjölskyldurekin hótelkeðja með yfir 30 ára reynslu af hótelrekstri. Við erum með átta hótel og eitt íbúðahótel, sem öll eru staðsett í miðborg Reykjavíkur. Í boði er allt frá þægilegum þriggja stjörnu hótelum upp í glæsileg fjögurra stjörnu boutique-hótel og bjóða við því upp á fjölbreyttar leiðir til að dvelja í hjarta Reykjavíkur.
Hversu margir gististaðir Center Hotels eru í Reykjavík?
Center Hotels rekur átta hótel og eitt íbúðahótel í miðborg Reykjavíkur með yfir 1000 herbergi og íbúðir. Í boði eru því fjölbreyttir kostir fyrir einstaklinga, pör, fjölskyldur, hópa og viðskiptaferðalanga. Skoðaðu hótelin okkar í Reykjavík.
Hvar eru Center Hotels staðsett?
Öll hótel Center Hotels eru í miðborg Reykjavíkur, nálægt helstu verslunargötum, veitingastöðum, kaffihúsum, börum, söfnum og menningarviðburðum borgarinnar. Hvaða hótel sem þú velur verður þú í þægilegri nálægð við lifandi mannlíf Reykjavíkur. Skoðaðu hótelin okkar í Reykjavík.
Hvaða Center Hotel hentar best fyrir dvöl mína í Reykjavík?
Það Center Hotel sem hentar þér best ræðst af því hverju þú ert að leitast eftir. Hótelin okkar eru allt frá þriggja upp í fjögurra stjörnu hótelum með ýmiss konar þjónustu í formi veitingastaða, heilsulinda, veislu- og fundarsala. Á yfirlitssíðu hótelanna geturðu borið saman staðsetningu, aðstöðu og herbergjategundir. Finndu hótelið þitt í Reykjavík.
Hversu margar stjörnur hafa hótel Center Hotels?
Center Hotels býður upp á úrval þriggja og fjögurra stjörnu hótela í miðborg Reykjavíkur. Hvort sem þú vilt einfalda og þægilega gistingu eða glæsilegri dvöl á boutique-hóteli finnurðu kost sem hentar ferðinni þinni. Berðu saman hótelin okkar í Reykjavík.
Eru Center Hotels með íbúðir í Reykjavík?
Já. Þingholt Apartments frá Center Hotels bjóða upp á hótelíbúðir í miðborg Reykjavíkur sem henta pörum, fjölskyldum, vinahópum. Íbúðirnar rúma allt að sex gesti. Íbúðirnar bjóða upp á meira rými og fullbúið eldhús og henta því vel fyrir lengri dvalir og gesti sem vilja dvelja saman. Skoðaðu Þingholt Apartments.
Er Center Hotels íslensk hótelkeðja?
Já. Center Hotels er íslensk og fjölskyldurekin hótelkeðja með höfuðstöðvar í Reykjavík. Sagan okkar hófst með litlu gistiheimili árið 1994 sem í dag hefur vaxið upp í 9 hótel í miðborginni. Í dag starfa þrjár kynslóðir fjölskyldunnar og taka á móti gestum í hjarta borgarinnar. Lestu sögu Center Hotels.
Eru Center Hotels með umhverfisvottun?
Já. Center Hotels er Green Key-vottuð. Green Key er alþjóðleg umhverfisvottun fyrir ferðaþjónustufyrirtæki sem uppfylla viðurkennda staðla um sjálfbæran rekstur. Við vinnum meðal annars að því að draga úr úrgangi, spara orku og vatn og velja vörur og birgja á ábyrgari hátt. Lestu meira um sjálfbærni hjá Center Hotels.
Hvaða Center Hotels eru aðgengileg fyrir hjólastólanotendur?
Aðgengileg aðstaða og herbergi fyrir hjólastólanotendur eru í boði á Center Hotels Laugavegi, Miðgarði by Center Hotels, Þingholti by Center Hotels, Granda by Center Hotels, Center Hotels Plaza og Center Hotels Arnarhvoli í miðborg Reykjavíkur. Aðgengi og skipulag herbergja er mismunandi eftir hótelum. Hafðu samband við okkur fyrir bókun svo við getum fengið upplýsingar um þarfir þínar, staðfest framboð og aðstoðað þig við að velja hentugasta hótelið og herbergið.
Hvernig bóka ég gistingu hjá Center Hotels?
Þú getur bókað beint á heimasíðu Center Hotels. Veldu einfaldlega hótel, dagsetningar og herbergistegund til að sjá nýjustu upplýsingar um framboð og verð. Þegar þú bókar á heimasíðunni okkar færðu sérstök fríðindi sem fylgja beinum bókunum. Bókaðu gistingu í Reykjavík.
Hvaða fríðindi fæ ég þegar ég bóka beint hjá Center Hotels?
Þegar þú bókar beint á heimasíðu Center Hotels færðu drykk við komu, ókeypis Wi-Fi, afslátt af morgunverði ef morgunverður er valinn fyrirfram við bókun, innritun frá kl. 14:00 og möguleika á síðbúinni útritun, háð framboði. Beinar bókanir geta einnig falið í sér sérkjör og árstíðabundin tilboð. Sjáðu tilboðin okkar sem eru í boði núna.
Hver er afbókunarstefna Center Hotels?
Afbókunarskilmálar Center Hotels ráðast af því verði og þeim bókunarskilmálum sem þú valdir við bókun. Sum verð bjóða upp á afbókun eða breytingar innan tiltekins frests en aðrir skilmálar gilda um óendurgreiðanleg verð. Athugaðu ávallt afbókunarskilmálana sem koma fram í bókunarstaðfestingunni þinni. Þú getur einnig lesið afbókunarskilmálana okkar í heild sinni hér.
Get ég breytt dagsetningum á bókuninni minni hjá Center Hotels?
Það fer eftir verði og skilmálum bókunarinnar hvort hægt sé að breyta dagsetningum. Ef bókað var beint hjá Center Hotels skaltu hafa samband við bokanir@centerhotels.is, láta bókunarnúmerið fylgja og tilgreina þær dagsetningar sem óskað er eftir. Allar breytingar eru háðar framboði og mögulegum verðbreytingum. Ef þú bókaðir í gegnum bókunarsíðu þriðja aðila eða ferðaskrifstofu þarftu að hafa samband beint við viðkomandi aðila.
Hvað get ég gert ef ég er með óendurgreiðanlega bókun?
Óendurgreiðanlegar bókanir fást ekki endurgreiddar við afbókun. Aðrir möguleikar kunna þó að vera í boði eftir skilmálum bókunarinnar og aðstæðum hverju sinni. Hafðu samband við bokanir@centerhotels.is, með bókunarnúmerið þitt, áður en þú afbókar eða gerir nýja bókun. Teymið okkar fer yfir bókunina og lætur þig vita hvaða möguleikar eru í boði.
Get ég bókað fleiri en eitt herbergi hjá Center Hotels?
Já. Það er hægt að bóka fleiri en eitt herbergi hjá Center Hotels í einu en það er alltaf háð framboði. Fyrir stærri hópa eða hópabókanir skaltu hafa samband við bókunarteymið okkar á bokanir@centerhotels.is. Við aðstoðum þig við að finna hentug herbergi og hótel í miðborg Reykjavíkur.
Hvenær er innritun og útritun hjá Center Hotels?
Almennur innritunartími hjá Center Hotels er kl. 15:00 og útritun er kl. 11:00. Gestir sem bóka beint á heimasíðu Center Hotels geta fengið innritun frá kl. 14:00 og óskað eftir síðbúinni útritun, háð framboði.
Eru móttökur Center Hotels opnar allan sólarhringinn?
Já. Móttökur á hótelum Center Hotels eru opnar allan sólarhringinn og því er ávallt starfsmaður til staðar til að aðstoða þig meðan á dvölinni stendur.
Get ég innritað mig snemma hjá Center Hotels?
Já. Snemmbúin innritun er háð því hvort herbergi sé laust á komudegi. Gestir sem bóka beint á heimasíðu Center Hotels geta innritað sig frá kl. 14:00 án aukagjalds. Ef þú óskar eftir enn fyrri innritun skaltu hafa samband við hótelið sem þú átt bókaða gistingu á, daginn fyrir komu. Verð fyrir snemmbúna innritun getur verið mismunandi eftir hótelum.
Get ég innritað mig seint um kvöld hjá Center Hotels?
Já. Móttökur hótelanna okkar eru opnar allan sólarhringinn og því geturðu innritað þig seint um kvöld. Herbergið er frátekið í samræmi við skilmála bókunarinnar. Ef þú býst við að koma eftir miðnætti mælum við með að þú látir hótelið vita fyrir fram.
Get ég óskað eftir síðbúinni útritun?
Já, en síðbúin útritun er ávallt háð framboði á brottfarardegi. Gestir sem bóka beint á heimasíðu Center Hotels geta óskað eftir síðbúinni útritun til kl. 14:00 án aukagjalds. Ef þú vilt útrita þig síðar skaltu hafa samband við móttöku hótelsins. Fyrir gesti sem ekki bóka beint, bætist við aukagjald fyrir síðbúna útritun.
Get ég geymt farangur hjá Center Hotels fyrir innritun eða eftir útritun?
Já. Gestir hótelanna okkar geta geymt farangur á öruggan máta í móttökunni fyrir innritun eða eftir útritun, án endurgjalds. Aðrir skilmálar gilda fyrir Þingholt Apartments, þar sem farangursgeymsla er í boði gegn gjaldi fyrir hverja geymslueiningu á dag. Nánari upplýsingar fást hjá móttöku íbúðanna á lobbythingholt@centerhotels.com.
Býður Center Hotels upp á farangursþjónustu?
Já. Farangursþjónusta gegn gjaldi er í boði á öllum gististöðum Center Hotels. Starfsfólkið okkar getur farið með farangurinn úr móttökunni upp á herbergi eftir innritun og komið honum aftur í móttökuna fyrir brottför. Þjónustan er í boði bæði fyrir einstaklinga og hópa gegn aukagjaldi fyrir hvert herbergi. Hægt er að panta farangursþjónustu á hótelinu.
Hvað get ég gert ef ég kem áður en herbergið mitt er tilbúið?
Ef þú kemur áður en herbergið er tilbúið er þér velkomið að skilja farangurinn eftir í öruggri geymslu í móttökunni. Snemmbúin innritun gæti einnig að vera í boði, háð framboði þann daginn. Ef þú kemur á meðan morgunverður stendur yfir, frá kl. 07:00 til 10:00, geturðu komið þér vel fyrir og notið morgunverðarhlaðborðsins okkar gegn aukagjaldi á meðan þú bíður eftir herberginu.
Býður Center Hotels upp á flugvallarakstur?
Flugvallarakstur er ekki innifalinn í hóteldvölinni en við getum aðstoðað þig við að bóka akstur til eða frá Keflavíkurflugvelli hjá traustum samstarfsaðila. Hafðu samband með minnst 24 klukkustunda fyrirvara ef þú óskar eftir aðstoð. Þú getur einnig bókað flugvallarakstur hér.
Býður Center Hotels upp á bílastæði í Reykjavík?
Miðgarður by Center Hotels, Center Hotels Laugavegur og Center Hotels Arnarhvoll eru hvert um sig með fáein ókeypis bílastæði. Framboðið er mjög takmarkað, ekki er hægt að bóka stæði fyrirfram og ekki er hægt að tryggja að stæði sé laust. Gjaldskyld bílastæði við götu og bílastæðahús eru nálægt öllum hótelunum okkar og sums staðar er einnig að finna ókeypis almenningsstæði.
Hvað er innifalið í herbergjum Center Hotels?
Í öllum herbergjum Center Hotels er ókeypis Wi-Fi, sjónvarp, sími, hárþurrka, sér baðherbergi, aðstaða til að laga kaffi og te. Í mörgum herbergjum er einnig minibar eða ísskápur, skrifborð, straujárn og strauborð. Valdar herbergjategundir bjóða upp á aukin þægindi á borð við svalir, borgarútsýni, Nespresso-kaffivél, baðsloppa, inniskó eða innifalinn aðgang að heilsulind. Skoðaðu lýsinguna á herberginu sem þú velur til að sjá nákvæmlega hvað er innifalið í herberginu.
Hvaða herbergjategundir og íbúðir eru í boði hjá Center Hotels?
Herbergjategundir eru mismunandi á hótelum okkar. Meðal þeirra eru einstaklingsherbergi, hjónaherbergi, tveggja manna herbergi með aðskildum rúmum, deluxe-herbergi, fjölskylduherbergi, junior-svítur og svítur. Á völdum hótelum eru einnig herbergi með svölum, herbergi með borgarútsýni og/eða aðgangi að heilsulindum hótelanna. Á Þingholt Apartments er hægt að velja á milli stúdíóíbúða, íbúða með einu eða tveimur svefnherbergjum og fjölskylduíbúða. Hægt er að bera saman stærð á herbergjum, rúmum, aðstöðu og hámarksfjölda gesta á hverju og eini hóteli á heimasíðunni okkar. Skoðaðu hótelin og íbúðirnar okkar í Reykjavík.
Býður Center Hotels upp á hótelíbúðir í Reykjavík?
Já. Þingholt Apartments frá Center Hotels bjóða upp á hótelíbúðir í miðborg Reykjavíkur fyrir allt að sex gesti. Íbúðirnar eru með fullbúnu eldhúsi með ísskáp, ofni og uppþvottavél auk aðgangs að þvottaaðstöðu. Þær henta sérstaklega vel fyrir fjölskyldur, vinahópa og fyrir þá sem ætla sér að dvelja lengur og vilja meira rými til að koma sér vel fyrir og njóta borgarinnar. Sjá Þingholt Apartments.
Eru herbergi Center Hotels þrifin á hverjum degi?
Herbergisþrif eru í boði eftir beiðni. Þannig drögum við úr notkun vatns, orku og hreinsiefna sem eru hluti af markmiðum okkar um sjálfbærari hótelrekstur. Ef þú vilt láta þrífa herbergið, fá hrein handklæði eða rúmföt skaltu láta móttökuna vita við innritun eða fyrir kl. 12:00 þann dag sem þú óskar eftir þjónustunni.
Get ég uppfært herbergið mitt hjá Center Hotels?
Já. Hægt er að óska eftir uppfærslu upp í betra herbergi, háð framboði. Verðið fer eftir hóteli, ferðadagsetningum og herbergjategund. Þú getur skoðað þær herbergjategundir sem eru í boði á síðu hótelsins sem þú gistir á eða spurt móttökustarfsmenn hótelsins um möguleika á uppfærslu. Skoðaðu hótelin og herbergjategundirnar okkar.
Get ég fengið aukarúm fyrir fullorðinn gest?
Hægt er að óska eftir aukarúmi fyrir fullorðinn gegn aukagjaldi, háð framboði. Aukarúm eru aðeins í boði í völdum herbergjategundum. Skoðaðu herbergislýsinguna á síðu hótelsins eða hafðu samband við hótelið fyrir komu til að staðfesta hvort hægt sé að bæta fullorðnum gesti við herbergið.
Get ég fengið aukarúm fyrir barn?
Hægt er að óska eftir aukarúmi fyrir barn á aldrinum 2 til 12 ára gegn aukagjaldi, háð framboði. Aukarúm eru aðeins í boði á völdum herbergjategundum. Skoðaðu lýsinguna á herberginu sem þú velur eða hafðu samband við hótelið fyrir komu til að fá upplýsingar um möguleikana sem þér býðst.
Get ég óskað eftir ungbarnarúmi?
Já. Hægt er að óska eftir ungbarnarúmi fyrir barn á aldrinum 0 til 2 ára gegn aukagjaldi, háð framboði. Ungbarnarúm eru aðeins í boði á völdum herbergjategundum. Skoðaðu herbergislýsinguna eða hafðu samband við bókunarteymið eða hótelið fyrir komu til að ganga úr skugga um að hægt sé að koma ungbarnarúmi fyrir í herberginu.
Er Center Hotels með fjölskylduherbergi í Reykjavík?
Já. Fjölskylduherbergi eru í boði á völdum hótelum Center Hotels. Ýmist er að finna svefnsófa, pláss fyrir aukarúm eða ungbarnarúm í slíkum herbergjum, allt eftir því hvaða hótel um ræðir. Þingholt Apartments rúma allt að sex gesti og henta sérstaklega vel fjölskyldum sem vilja meira pláss og eldunaraðstöðu. Finndu fjölskylduvæna gistingu í Reykjavík.
Get ég valið á milli hjónarúms og tveggja aðskilinna rúma?
Í völdum herbergjum Center Hotels er hægt að velja á milli hjónarúms eða tveggja aðskilinna einbreiðra rúma. Rúmaskipan er mismunandi eftir hótelum og herbergjategundum og er háð framboði. Veldu þá rúmategund sem þú kýst við bókun eða hafðu samband við hótelið fyrir komu. Við gerum ávallt okkar besta til að verða við óskum þínum.
Er ókeypis Wi-Fi í boði hjá Center Hotels í Reykjavík?
Já. Ókeypis Wi-Fi er í boði fyrir alla gesti á öllum hótelum Center Hotels. Leitaðu til móttökunnar ef þú þarft aðstoð við að tengjast netinu meðan á dvölinni stendur.
Býður Center Hotels upp á þvottaaðstöðu eða þvottaþjónustu?
Þvottaaðstaða og þjónusta er mismunandi eftir gististöðum. Þvottaþjónusta gegn aukagjaldi er í boði á hótelum Center Hotels. Hafðu samband við móttöku hótelsins til að fá nánari upplýsingar um þvottaþjónustu.
Er morgunverður í boði á öllum Center Hotels?
Já. Morgunverðarhlaðborð er í boði á öllum gististöðum Center Hotels í Reykjavík. Þar er úrval af heitum og köldum réttum, svo sem eggjum, beikoni, brauði, bakkelsi, morgunkorni, jógúrt og ávöxtum, ásamt kaffi, tei og safa. Gestir sem bóka beint á heimasíðu Center Hotels geta bætt morgunverði við bókunina á afsláttarverði þegar bókunin er gerð. Einnig er hægt að bæta honum við síðar en þá greiðist fullt verð.
Er morgunverður innifalinn í dvölinni?
Morgunverður er ekki sjálfkrafa innifalinn í dvölinni. Þegar bókað er beint á heimasíðu Center Hotels er hægt að bæta morgunverði við á afsláttarverði meðan á bókunarferlinu stendur. Einnig er hægt að bæta morgunverði við síðar eða kaupa hann á hótelinu en þá greiðist fullt verð.
Hvenær er morgunverður framreiddur hjá Center Hotels?
Morgunverðarhlaðborðið er framreitt daglega frá kl. 07:00 til 10:00 á öllum gististöðum Center Hotels. Ef þú þarft að fara fyrr af stað í flug eða dagsferð geturðu pantað snemmbúinn morgunverð fyrirfram. Láttu móttöku hótelsins einfaldlega vita daginn áður.
Get ég komið í morgunverð hjá Center Hotels þótt ég gisti ekki á hótelinu?
Já. Þér er velkomið að njóta morgunverðarhlaðborðsins hjá Center Hotels þótt þú gistir ekki hjá okkur. Morgunverður er í boði gegn gjaldi daglega frá kl. 07:00 til 10:00.
Get ég pantað morgunverð upp á herbergi?
Já. Hægt er að fá morgunverð sendan upp á herbergi gegn aukagjaldi. Hann inniheldur úrval af réttum af morgunverðarhlaðborðinu ásamt kaffi, tei og safa. Pantaðu morgunverð upp á herbergi í móttöku hótelsins. Gjaldið færist á herbergið og er greitt við útritun.
Er snemmbúinn morgunverður í boði hjá Center Hotels?
Já. Snemmbúinn morgunverður er í boði frá kl. 03:30 til 07:00 fyrir gesti sem þurfa að fara áður en hefðbundið morgunverðarhlaðborð opnar. Hann inniheldur smjördeigshorn og kaffi eða te. Panta þarf morgunverðinn kvöldið áður í móttöku hótelsins.
Getur Center Hotels útbúið morgunverð eða hádegisverð til að taka með?
Já. Gegn aukagjaldi getum við útbúið nestispoka fyrir gesti sem þurfa morgunverð eða hádegisverð á ferðinni. Í honum er samloka, safi, jógúrt, ávöxtur og kaffi eða te í einnota máli. Pantaðu nestispokann í móttöku hótelsins með minnst 24 klukkustunda fyrirvara.
Er glútenlaus, laktósalaus, grænmetis- eða veganmatur á morgunverðarhlaðborði Center Hotels?
Já. Á morgunverðarhlaðborðunum okkar eru valkostir fyrir gesti með ólíkar matarþarfir, þar á meðal glútenlaust brauð, jurtamjólk og laktósalausir kostir. Við bjóðum einnig upp á grænmetis- og veganvalkosti. Láttu hótelið vita fyrir komu ef þú ert með sérstakar matarþarfir eða fæðuofnæmi svo teymið okkar geti aðstoðað þig við að finna hentuga kosti.
Á hvaða Center Hotels eru veitingastaðir?
Center Hotels rekur þrjá veitingastaði í Reykjavík: Jörgensen Kitchen & Bar á Miðgarði by Center Hotels, Lóa Matur & Vín á Center Hotels Laugavegi og Grandi Restaurant & Bar á Granda by Center Hotels. Gestir allra hótela Center Hotels fá afslátt af à la carte-matseðlinum. Skoðaðu veitingastaðina Center Hotels.
Eru barir á Center Hotels?
Já. Á nokkrum gististöðum Center Hotels eru barir sem bjóða upp á vín, bjór, kokteila og óáfenga drykki. Þar má nefna SKÝ Lounge & Bar á efstu hæð Center Hotels Arnarhvols, Þingholt Lounge & Bar á Þingholti by Center Hotels og barinn á Center Hotels Plaza. Einnig er bar á öllum þremur veitingastöðunum okkar: Jörgensen Kitchen & Bar, Lóa Matur & Vín og Grandi Restaurant & Bar. Opnunartímar eru mismunandi eftir stöðum. Skoðaðu barina okkar í Reykjavík.
Geta þeir sem gista ekki á hótelunum heimsótt veitingastaðina og barina?
Já. Veitingastaðir og barir Center Hotels eru opnir fyrir alla gesti, hvort sem hótelgesti eða aðra. Komdu við í kvöldverð, drykk, Happy Hour eða kíktu á viðburðina hjá okkur. Opnunartímar og viðburðir eru mismunandi eftir stöðum og því er gott að skoða heimasíður veitingastaðanna og bara áður en þú mætir.
Fá gestir Center Hotels afslátt á veitingastöðunum?
Já. Gestir sem dvelja á hótelum Center Hotels fá afslátt af à la carte-matseðlinum á Jörgensen Kitchen & Bar, Lóa Matur & Vín og Grandi Restaurant & Bar. Ef þú ert gestur á hótelunum okkar, sýndu starfsfólki veitingastaðarins lyklakortið þitt og þá færðu afslátt af à la carte-matseðlinum. Afslátturinn gildir ekki af drykkjum eða öðrum sértilboðum.
Get ég bætt kvöldverði við bókunina mína hjá Center Hotels?
Já. Hægt er að bæta kvöldverði við herbergisbókunina gegn aukagjaldi með vali á milli tveggja eða þriggja rétta á veitingastöðum Center Hotels. Tveggja rétta valkosturinn inniheldur aðalrétt með vali um og forrétt eða eftirrétt, en þriggja rétta valkosturinn felur í sér forrétt, aðalrétt og eftirrétt. Bæta þarf kvöldverðinum við í bókunarferlinu með gistingunni.
Er Happy Hour á börum Center Hotels?
Já. Barir Center Hotels bjóða daglega upp á Happy Hour á völdum drykkjum, þar á meðal bjór og húsvíni. Tímasetningar og tilboð eru mismunandi eftir börum og því er best að skoða síðu viðkomandi bars eða hótels til að sjá hvernig Happy Hour er háttað. Finndu Happy Hour í Reykjavík.
Þarf ég að panta borð á veitingastöðum Center Hotels?
Mælt er með að panta borð, sérstaklega fyrir kvöldverð, um helgar og fyrir stærri hópa. Gestir sem mæta án borðapöntunar eru velkomnir ef pláss leyfir. Hægt er að bóka borð á heimasíðum veitingastaðanna eða með því að hafa samband við veitingastaðinn. Skoðaðu veitingastaðina okkar í Reykjavík.
Geta veitingastaðirnir komið til móts við sérstakar matarþarfir og fæðuofnæmi?
Veitingastaðirnir okkar bjóða upp á grænmetisrétti og geta komið til móts við ýmsar sérstakar matarþarfir. Láttu vita af fæðuofnæmi eða sérþörfum þegar þú bókar borð og aftur þegar þú kemur. Við tökum fæðuofnæmi alvarlega en vert er að taka fram að maturinn er útbúinn í eldhúsum þar sem ofnæmisvaldar eru til staðar.
Á hvaða Center Hotels eru heilsulindir í Reykjavík?
Fjórir gististaðir Center Hotels eru með heilsulind: Miðgarður Spa á Miðgarði by Center Hotels, Grandi Spa á Granda by Center Hotels, Þingholt Spa á Þingholti by Center Hotels og Arnarhvoll Wellness Center á Center Hotels Arnarhvoli. Aðgangur að heilsulindunum er innifalinn með völdum herbergjategundum en gestir annarra herbergjategunda geta keypt aðgang á afsláttarverði. Heilsulindin á Arnarhvoli er eingöngu aðgengilega gestum Center Hotels Arnarhvols. Skoðaðu heilsulindirnar og vellíðunaraðstöðuna okkar.
Á hvaða Center Hotels er líkamsræktaraðstaða í Reykjavík?
Líkamsræktaraðstaða er á Miðgarði by Center Hotels, Granda by Center Hotels og Þingholti by Center Hotels. Þar er búnaður fyrir bæði þol- og styrktaræfingar. Skoðaðu heilsulindir og líkamsrækt Center Hotels í Reykjavík.
Get ég bókað nudd hjá Center Hotels í Reykjavík?
Já. Nuddmeðferðir eru í boði á Miðgarði Spa, Granda Spa og Þingholti Spa. Bóka þarf meðferðir með minnst 24 klukkustunda fyrirvara og eru þær háðar framboði. Skoðaðu nuddmeðferðirnar okkar og bókaðu tíma.
Er aðgangur að heilsulind innifalinn í dvöl minni hjá Center Hotels?
Aðgangur að heilsulind er innifalinn með völdum herbergjategundum á Miðgarði by Center Hotels, Granda by Center Hotels og Þingholti by Center Hotels. Gestir annarra herbergjategunda geta keypt aðgang á afsláttarverði. Skoðaðu upplýsingar um herbergið sem þú velur við bókun til að sjá hvort ókeypis aðgangur að heilsulind sé innifalinn. Arnarhvoll Wellness Center er eingöngu ætluð gestum Center Hotels Arnarhvols og aðgangur er í boði gegn aukagjaldi.
Hvaða aðstaða er í heilsulindum Center Hotels?
Aðstaðan er mismunandi í heilsulindunum fjórum hjá Center Hotels. Á Miðgarði Spa eru heitir pottar inni og úti, gufubað, slökunarrými, líkamsrækt og nuddmeðferðir. Á Granda Spa eru tveir heitir pottar, gufubað, slökunarrými og meðferðarherbergi þar sem meðal annars er boðið upp á paranudd. Þingholt Spa býður upp á rúmgóðan heitan pott, gufubað, slökunarrými og nuddmeðferðir. Á Arnarhvoll er heitur pottur, gufubað og slökunarrými. Skoðaðu heilsulindir Center Hotels og aðstöðuna sem þar er í boði.
Mega börn nota heilsulindir Center Hotels?
Aldurstakmark er mismunandi eftir heilsulindum. Börn eldri en 12 ára eru velkomin í valdar heilsulindir á tilteknum tíma dagsins í fylgd með fullorðnum á meðan aðrar eru eingöngu ætlaðar fullorðnum. Hafðu samband við móttöku þess hótels sem þú velur til að staðfesta hvert aldurstakmarkið er eða kíktu á heimasíðu hótelsins.
Hvernig eru opnunartímar heilsulinda Center Hotels?
Miðgarður Spa, Grandi Spa, Þingholt Spa og heilsulindin á Arnarhvoli eru opin daglega frá kl. 07:00 til 22:00. Opnunartímar geta breyst yfir hátíðir eða vegna einkaviðburða og því er gott að staðfesta tímann hjá móttöku hótelsins fyrir heimsókn. Skoðaðu heilsulindir Center Hotels.
Get ég heimsótt heilsulind Center Hotels þótt ég gisti ekki á hótelinu?
Já. Miðgarður Spa, Grandi Spa og Þingholt Spa taka á móti bæði hótelgestum og öðrum gestum, háð framboði. Bóka þarf aðgang fyrirfram. Arnarhvoll Wellness Center er eingöngu ætluð gestum Center Hotels Arnarhvols. Skoðaðu heilsulindirnar okkar í Reykjavík og bókaðu heimsókn.
Þarf ég að bóka aðgang að heilsulind fyrirfram?
Já. Við mælum með að bóka heimsókn í heilsulind með minnst 24 klukkustunda fyrirvara þar sem framboð er takmarkað. Þetta á einnig við þegar aðgangur að heilsulind er innifalinn með herberginu. Þú getur gengið frá bókun í móttöku hótelsins eða bókað aðgang að heilsulind á netinu.
Getur Center Hotels aðstoðað mig við að bóka dagsferðir frá Reykjavík?
Já. Við getum aðstoðað þig við að velja og bóka afþreyingu í Reykjavík sem og dagsferðir frá Reykjavík. Hafðu samband við starfsfólkið okkar í móttökunni fyrir komu eða á meðan þú dvelur hjá okkur. Þú getur einnig skoðað og bókað dagsferðir frá Reykjavík á netinu.
Hvaðan verð ég sótt/ur fyrir dagsferðina mína í Reykjavík?
Nokkur hótel Center Hotels eru með stoppustöð beint fyrir framan inngang hótelsins og önnur eru í stuttu göngufæri frá helstu stoppustöðvum sem notaðar eru til að sækja gesti fyrir flugvallarútuna og dagsferðir. Í bókunarstaðfestingunni sem þú færð þegar þú bókar dagsferð ættu að koma fram upplýsingar um stoppistöð og áætlaðan komutíma. Mættu nokkrum mínútum fyrr þar sem sótt getur verið innan tiltekins tímaramma. Ef þú ert ekki viss um hvaða stoppistöð þú átt að nota getur starfsfólkið okkar í móttökunni aðstoðað þig.
Ætti ég að bóka dagsferðina mína fyrirfram?
Já. Við mælum með að bóka vinsælar dagsferðir snemma, sérstaklega ef um er að ræða dagsferð yfir sumarið, um jól og páska og á norðurljósatímabilinu. Ferðir um Gullna hringinn og Suðurströndina, Bláa lónið, jöklaferðir og norðurljósaferðir geta selst upp á annasömum tímum. Með því að bóka fyrir fram færðu betra úrval brottfarartíma og getur skipulagt dvölina í Reykjavík í kringum ævintýrin. Starfsfólkið okkar í móttökunni getur aðstoðað þig við að velja og bóka ferð eða þú getur skoðað og bókað dagsferðir á Íslandi á netinu.
Hvaða dagsferðir og upplifanir get ég farið í frá Reykjavík?
Reykjavík er hentugur upphafsstaður fyrir ferðir að mörgum þekktustu náttúruperlum Íslands. Vinsælir kostir eru ferðir um Gullna hringinn og Suðurströndina, norðurljósaferðir, heimsóknir í jarðhitalaugar, hvalaskoðun og jöklaævintýri á borð við vélsleðaferðir, jöklagöngur og íshellaferðir. Framboð ferða ræðst af árstíð og veðri. Við getum aðstoðað þig við að finna upplifun sem hentar þínum áformum eða þú getur skoðað og bókað ferðir á netinu.
Hvað get ég gert í göngufæri frá Center Hotels?
Öll hótel Center Hotels eru í miðborg Reykjavíkur og því eru veitingastaðir, kaffihús, verslanir, söfn og næturlíf í þægilegu göngufæri. Röltu um Laugaveg, heimsæktu Hallgrímskirkju og Hörpu, skoðaðu höfnina eða uppgötvaðu litríkar götur Reykjavíkur, götulist og vinsæla staði
Eru fjölskylduvænar ferðir og afþreying í boði í Reykjavík?
Já. Fjölskyldur geta fundið sér ýmislegt skemmtilegt að gera í Reykjavík. Hægt er að fara í sund, á söfn, í hvalaskoðun, ferð um Gullna hringinn, grasagarðinn og húsdýragarðinn. Reykjavík er lítil og auðveld yfirferðar og þar er að finna fjölskylduvæna afþreyingu og almenningsgarða. Aldurstakmark getur gilt í ákveðnar ævintýraferðir og því er mikilvægt að skoða upplýsingarnar áður en bókað er.
Getur Center Hotels aðstoðað mig við að halda upp á sérstakt tilefni?
Algjörlega. Hvort sem tilefnið er afmæli, brúðkaupsafmæli, brúðkaupsferð eða önnur sérstök stund í Reykjavík getum við aðstoðað þig við að gera dvölina enn eftirminnilegri. Möguleikar eru margir og mismunandi eftir hótelum. Þeir geta meðal annars falið í sér mat og drykk inn á herbergin, heimsókn í heilsulind ofl. Heyrðu í okkur fyrir komu eða á meðan þú dvelur hjá okkur og við skulum kanna hvað við getum gert til að aðstoða þig með að halda upp á tilefnið.