Hérna höfum við tekið saman svör við algengustu spurningunum sem við fáum. Vonandi finnurðu svar við þinni spurningu hér.
Þarftu hjálp?
Vonandi getum við svarað þér.
Hversu margar stjörnur hafa hótel Center Hotels?
Hótelin okkar eru níu talsins og eru ýmist 3ja eða 4ja stjörnu. Við bjóðum því upp á úrval af hótelkostum, hvort sem þú ert að leita eftir góðum og einföldum gistimöguleika upp á boutique-dvalarstað þá erum við með kostinn fyrir þig. Sjáðu hótelin okkar á: centerhotels.com/is/hotels-reykjavik
Hvar eru Center Hotels staðsett?
Hótelin okkar eru öll staðsett í miðborg Reykjavíkur – í hjarta borgarinnar. Hótelin eru því öll í göngufæri frá því helsta sem miðborgin býður upp á: kaffihús, barir, veitingastaðir, verslanir og næturlífi.
Eru Center Hotels með íbúðir?
Við búum svo vel að því að hafa hótelíbúðir sem eru tilvaldar fyrir fjölskyldu eða vinahóp. Hótelíbúðirnar eru staðsettar á Þingholtsstrætinu á Þingholt apartments og því á einstökum stað í miðborginni. Íbúðirnar eru tilvalinn kostur fyrir þá sem vilja fá meira pláss, þægindi og möguleika á að dvelja saman öll í einu góðu rými. Sjá íbúðirnar okkar: centerhotels.com/is/ibudahotel-thingholt-reykjavik
Eru Center Hotels Green Key vottuð?
Já, það erum við. Við erum stolt af því að vera með Green Key vottun sem þýðir að við erum skuldbundin til sjálfbærari reksturs – allt frá því að spara orku og vatn til að draga úr úrgangi og vinna með ábyrgum birgjum. Kynntu þér grænu skrefin okkar á: centerhotels.com/is/sjalfbaerni
Hversu oft eru herbergin þrifin, og þarf að biðja sérstaklega um það?
Við leggjum mikla áherslu á að hótelin okkar séu eins hrein og mögulegt er. Þernurnar okkar vinna ótrúlegt starf á hverjum degi til að tryggja það. Til að minnka vatns-, orku- og efnanotkun eru herbergisþrif aðeins veitt eftir beiðni. Þarftu ný handklæði, rúmföt eða létt þrif? Láttu móttökuna vita við innritun eða fyrir hádegi, og við sjáum um það.
Hvenær er innritun og útritun?
Innritun á öllum hótelum okkar er kl. 15:00, en ef þú bókar beint á heimasíðu okkar geturðu innritað þig kl. 14:00. Útritun á öllum hótelum er kl. 11:00.
Er hægt að innrita sig snemma - fyrr en á venjulegum innritunartíma?
Það er hægt að innrita sig fyrr en kl. 14:00 svo lengi sem við búum svo vel að því að eiga laust herbergi. Verð á fyrri innritun er mismunandi eftir hótelum. Hægt er að tryggja sér snemmbúna innritun með því að bóka nóttina fyrir upphaflegan komudag. Hafðu samband við okkur á bokanir@centerhotels.is til að fá nánari upplýsingar eða til að bóka snemmbúna innritun.
Er hægt að útrita sig seinna en á auglýstum útritunartíma?
Við bjóðum upp á síðbúna útritun gegn aukagjaldi. Síðbúin útritun er háð framboði. Vinsamlegast hafðu samband við móttökuna á hótelinu þínu til að óska eftir því að útrita þig seinna.
Er hægt að geyma farangur á hótelinu?
Við bjóðum upp á farangursgeymslu á hótelunum okkar þar sem þú getur geymt töskurnar þínar á öruggan hátt fyrir innritun og eftir útritun, þér að kostnaðarlausu. Fyrir gesti sem dvelja á Þingholt Apartments er farangursgeymsla í boði fyrir 3000 ISK á geymslu á dag. Hafðu samband við móttöku íbúðanna til að fá frekari upplýsingar á lobbythingholt@centerhotels.com.
Bjóðið þið upp á farangursþjónustu?
Farangursþjónusta er í boði á öllum hótelum okkar og kostar 4.500 kr. á herbergi við inn- og útritun. Fyrir hópa með fleiri en 10 herbergi er verðið 3.000 kr. á herbergi fyrir báðar leiðir. Farangurinn verður afhentur beint inn á herbergið þitt við komu og skilað í móttökuna við brottför.
Hvernig eru afbókunarskilmálar Center Hotels?
Þú finnur allar upplýsingar um afbókunarskilmálana okkar á: centerhotels.com/is/afbokunarskilmalar
Hvað er innifalið í hótelherbergjunum/íbúðunum?
Herbergin á hótelunum okkar eru mismunandi í stíl en eiga það öll sameiginlegt að bjóða upp á nútímaleg þægindi. Hvert herbergi er búið öllum þeim smáþægindum sem við elskum á hótelherbergjum, allt frá minibar til flatskjás. Ókeypis Wi-Fi, sími, hárþurrka, straujárn og strauborð, kaffi og te og sturta eru innifalin. Ef þú kýst að dvelja í einni af hótelíbúðunum okkar hefurðu enn meira pláss til að njóta þín, með fullbúnu eldhúsi, ísskáp, ofni og uppþvottavél - auk aðgangs að þvottavél fyrir lengri dvalir.
Hver er munurinn á herbergjatýpunum sem eru í boði?
Herbergjatýpurnar á hótelunum okkar eru mismunandi eftir hóteli. Hægt er að fá nánari upplýsingar um hverja og eina herbergjatýpu og hvað felst í hverri týpu á viðkomandi hótelsíðu. Sjá hér: centerhotels.com/is/hotels-reykjavik
Er þráðlaust internet á hótelunum?
Það er þráðlaust internet á öllum hótelunum okkar sem þú getur nýtt þér á meðan þú dvelur hjá okkur. Heyrðu í okkur þegar þú innritar þig og við aðstoðum því með að finna þráðlausa netið.
Er morgunverður í boði?
Morgunverðarhlaðborð er innifalið á öllum hótelunum okkar, ef bókað er beint í gegnum vefsíðuna okkar, og er borinn fram milli 7:00 og 10:00.
Klukkan hvað er morgunverður borinn fram?
Við bjóðum upp á morgunverð á hlaðborði á öllum hótelum okkar þar sem finna má meðal annars úrval af morgunkorni, brauðmeti, ávöxtum, eggjum, beikoni, jógúrt og bakkelsi. Morgunverður er innifalinn í herbergisverðinu ef bókað er beint í gegnum vefsíðuna okkar.
Er hægt að panta morgunverð í rúmið?
Hægt er að fá morgunverð sendan upp á herbergi ef óskað er eftir því. Innifalið er úrval af heitum og köldum réttum af morgunverðarhlaðborðinu okkar, ásamt kaffi, tei og safa, fyrir 3700 ISK á mann. Gjaldið fyrir morgunverð upp á herbergi er greitt á hótelinu við útritun.
Er hægt að fá snemmbúinn morgunverð?
Ef þú þarft að fara snemma af stað frá hótelinu er hægt að fá snemmbúinn morgunverð sem er í boði frá 3:30 - 7:00. Innifalið í slíkum morgunverði er croissant, kaffi eða te. Nauðsynlegt er að bóka slíkan morgunverð með dags fyrirvara. Sé þess óskað er einnig hægt að fá morgunverð frá kl. 02:30, en hann þarf að panta sérstaklega og með dags fyrirvara.
Er hægt að panta nesti til að taka með?
Við getum útbúið nesti sem hægt er að taka með. Innifalið í nestinu er samloka, safi, jógúrt, ávöxtur og kaffi eða te. Nestispokinn okkar kostar 2.900 kr. á mann. Til að panta nesti, vinsamlegast hafðu samband við móttöku hótelsins. Panta þarf nestispokann með 24 klukkustunda fyrirvara.
Er hægt að fá glútenlausan/laktósalausan/vegan morgunmat?
Við bjóðum upp á glútenlaust brauð á morgunverðahlaðborðinu. Þar er einnig að finna möndlumjólk og aðra laktósalausa mjólkurkosti. Snemmbúni morgunverðurinn okkar býður einnig upp á möguleika fyrir þá með sérþarfir í mataræði.
Eru veitingastaðir á hótelunum?
Við erum með nokkra veitingastaði á hótelunum, þar á meðal: Jörgensen Kitchen & Bar á Miðgarði by Center Hotels, Lóa Restaurant á Center Hotels Laugavegi og Grandi restaurant á Granda by Center Hotels. Veitingastaðirnir eru ólíkir en þeir bjóða allir upp á úrval gómsætra rétta, þar á meðal fisk-, kjöt- og grænmetisrétti. Gestir á hótelunum fá 10% afslátt af á la carte réttum í hádeginu og á kvöldin. Happy Hour er daglega á öllum veitingastöðunum. Sjá nánari upplýsingar á centerhotels.com/is/matur-drykkir
Er afsláttur í boði á veitingastöðunum?
Gestir Center Hotels fá 10% afslátt af á la carte seðlum á öllum veitingastöðunum okkar; Jörgensen Kitchen & Bar, Lóa Restaurant og Grandi restaurant. Daglegur Happy Hour er í boði á veitingastöðunum frá 16:00 - 18:00 þar sem boðið er upp á afslátt af víni hússins og bjór.
Bjóðið þið upp á matarpakka með hótelbókun?
Við bjóðum upp á hádegisverð eða kvöldverð með herbergisbókun sem felur í sér annaðhvort tveggja eða þriggja rétta matseðil á veitingastaðnum okkar, Jörgensen Kitchen & Bar, sem panta þarf fyrir fram. Tvírétta seðill felur í sér aðalrétt og val um forrétt eða eftirrétt á 6.900 kr. á mann. Þrírétta seðill felur í sér forrétt, aðalrétt og eftirrétt á 9.500 kr. á mann.
Er bar á hótelunum?
Við erum með bari á flestum hótelum okkar sem eru opnir til miðnættis alla daga vikunnar, með úrvali drykkja og Happy Hour daglega.
Er Happy Hour á hótelunum?
Við erum með Happy Hour daglega á öllum börunum okkar frá 16:00 til 18:00. Að auki erum við reglulega með Late Night Happy Hour á völdum börum. Sjáðu nánari upplýsingar á: centerhotels.com/is/matur-drykkir
Er hægt að bóka dagsferð um Ísland í gegnum hótelið?
Við erum ávallt reiðubúin að aðstoða við bókun á ýmiss konar afþreyingu sem gefur þér tækifæri á að kynnast landi og þjóð. Við getum mælt með skemmtilegum ferðum og sagt þér frá þeim möguleikum sem eru í boði ef þú hefur eitthvað sérstakt í huga. Nauðsynlegt er að bóka slíka afþreyingu með dags fyrirvara. Einnig hefur þú möguleika á að skoða og bóka slíka ferð sjálf/ur/t og þá mælum við með að það sé gert með hjálp aðila sem við treystum og vinnum með, sjá hér: centerhotels.com/is/dagsferdir
Er hægt að bóka akstur til og frá flugvelli í gegnum Center Hotels?
Flugvallarakstur er ekki innifalinn í verði hótelherbergisins, en við getum auðveldlega aðstoðað þig við að bóka akstur til og/eða frá flugvelli. Nauðsynlegt er að óska eftir slíkum akstri með 24 klst fyrirvara. Einnig getur þú bókað flugvallarakstur í gegnum aðila sem við treystum og vinnum með, sjá hér: centerhotels.com/is/dagsferdir
Eru bílastæði við hótelin?
Öll hótelin okkar eru staðsett í miðborg Reykjavíkur og eru því í grennd við nokkur almennings bílastæði og bílastæðahús. Við búum svo vel að því að hafa nokkur bílastæði við Center Hotels Arnarhvol, Center Hotels Laugaveg, Miðgarð by Center Hotels og Þingholt Apartments sem gestir okkar geta nýtt sér án endurgjalds. En, ekki er hægt að taka bílastæði frá fyrir gesti, heldur er reglan "fyrstur kemur - fyrstur fær" sem gildir. Hafðu samband við móttökuna á hótelinu þínu við komu fyrir frekari upplýsingar og til að næla þér í bílastæðamiða fyrir bílastæðin okkar.
Er hægt að fá uppfærslu upp í betra herbergi?
Við búum svo vel að því að hafa gott úrval af mismunandi tegundum á herbergjum og getum því oft boðið upp á uppfærslu gegn vægu gjaldi, svo lengi sem við eigum laus herbergi. Sjá nánari upplýsingar um herbergjatýpurnar okkar á hverju hóteli fyrir sig á viðkomandi hótelsíðum: centerhotels.com/is/hotels-reykjavik
Er hægt að fá aukarúm inn á herbergið mitt?
Hægt er að koma aukarúmi fyrir í vissum tegundum herbergja og ef slíkt herbergi er laust, gegn vægu gjaldi. Hægt er að sjá hvort aukarúm komist fyrir í þeirri tegund herbergis sem þú ert með á viðkomandi hótelsíðu: centerhotels.com/is/hotels-reykjavik
Er hægt að fá aukarúm fyrir barn inn á herbergið mitt?
Hægt er að óska eftir aukarúmi fyrir barn, 2–12 ára, gegn aukagjaldi og með fyrirvara um framboð. Ekki er hægt að koma slíku aukarúmi fyrir í öllum tegundum herbergja. Hægt er að sjá hvort möguleiki sé á að koma aukarúmi fyrir barn í herbergið þitt á hótelsíðunum: centerhotels.com/is/hotels-reykjavik
Er hægt að fá rimlarúm fyrir smábarn inn á herbergið mitt?
Hægt er að óska eftir barnarúmi fyrir ungbörn, 0–2 ára, gegn aukagjaldi og með fyrirvara um framboð. Ekki er hægt að koma barnarúmi fyrir í öllum herbergjum. Þú getur séð hvort hægt sé að bæta barnarúmi við herbergið þitt á hótelssíðunni á centerhotels.com/is/hotels-reykjavik
Er spa á hótelunum?
Við erum með fjórar heilsulindir á hótelunum okkar: Miðgarður spa, Ísafold spa, Grandi spa og Arnarhvoll heilsulind. Heilsulindin á Arnarhvoli er aðeins í boði fyrir gesti sem dvelja á Hótel Arnarhvoli. Aðgangur að heilsulind er innifalinn fyrir gesti í ákveðnum herbergjategundum en aðrir gestir Center Hotels fá aðgang á lækkuðu verði. Aðgangseyrir að heilsulindinni á Arnarhvoli er 3.000 kr., að Miðgarði spa og Ísafold spa er 3.700 kr. og að Grandi spa er 4.400 kr. Sjá heilsulindirnar okkar á: centerhotels.com/is/spa
Er hægt að fá nudd í heilsulindunum á hótelunum?
Við bjóðum upp á ýmsar tegundir af nuddi í heilsulindum okkar á Miðgarði spa, Granda spa og Ísafold spa. Panta þarf nudd með 24 klukkustunda fyrirvara. Nánari upplýsingar um nuddið má finna á: centerhotels.com/spa-gym
Bjóðið þið upp á auka þjónustu fyrir sérstök tilefni?
Við erum alltaf til í að aðstoða með að gera sérstöku tilefnin enn eftirminnilegri og skemmtilegri. Við bjóðum upp á ýmiss konar möguleika sem þú getur valið um. Hafðu endilega samband við hótelið sem þú ert að fara að dvelja á og við aðstoðum með glöðu geði.
Hvernig hljómar persónuverndarstefna hótelanna?
Þú finnur upplýsingar um persónuverndarstefnuna okkar á: centerhotels.com/is/personuvernd
Hvernig hljómar skilmálar Center Hotels?
Þú finnur allar upplýsingar um skilmálana okkar á: centerhotels.com/is/skilmalar
Ég er með bókun sem er ekki endurgreiðanleg. Hvaða möguleika hef ég?
Ef þú vilt breyta bókuninni þinni gerum við það með ánægju og án endurgjalds. Upphæðin sem þú hefur greitt verður notuð sem inneign fyrir nýja bókun á þeim dagsetningum sem þú velur. Vinsamlegast sendu okkur tölvupóst með nýjum dagsetningum og við breytum bókuninni. Fyrir frekari upplýsingar, vinsamlegast sendu okkur tölvupóst á reservations@centerhotels.com. Ef þú vilt afbóka og ekki bóka aftur að svo stöddu, bjóðum við þér að halda upphæðinni sem þú hefur greitt sem inneign. Vinsamlegast sendu okkur tölvupóst til að fá frekari upplýsingar. Því miður eru endurgreiðslur ekki í boði.
Ég er með bókun í gegnum vefsíðu þriðja aðila og kemst ekki. Hvað á ég að gera?
Ef þú hefur bókað í gegnum vefsíðu þriðja aðila, vinsamlegast hafðu samband beint við þá. Við bjóðum öllum gestum möguleikann á að umbóka á hvaða dagsetningu sem er. Vinsamlegast sendu okkur tölvupóst á reservations@centerhotels.com til að fá frekari upplýsingar eða aðstoð.
Ég bókaði í gegnum ferðaskrifstofu en kemst ekki. Hvað á ég að gera?
Vinsamlegast hafðu samband við ferðaskrifstofuna sem þú bókaðir hjá til að ræða möguleikana. Ef þig vantar aðstoð, sendu okkur tölvupóst á reservations@centerhotels.com eða notaðu spjallið okkar.
Hvaða hótel eru með hjólastólaaðgengi?
Þau hótel sem bjóða upp á gott hjólastólaaðgengi eru Center Hotels Laugavegur, Miðgarður by Center Hotels, Þingholt by Center Hotels, Grandi by Center Hotels, Center Hotels Plaza og Center Hotels Arnarhvoll. Fyrir frekari upplýsingar endilega hafðu samband við okkur og við aðstoðum þig.