Skilmálar
Upplýsingar um verð:
Öll tilgreind verð innihalda VSK, staðbundin gjöld og 800 kr gistináttaskatt. Ókeypis Wi-Fi er innifalið í öllum verðunum nema annað sé tekið fram. Öll verð eru NETTÓ og ekki þóknanabær.
Brottför fyrr en áætlað var:
Ef óskað er eftir að stytta dvöl eftir innritun á hótelið þarf að láta móttöku vita með að minnsta kosti 48 klst. fyrirvara. Engar endurgreiðslur eru veittar fyrir bókanir innan 48 klst. gluggans og engar endurgreiðslur eru veittar fyrir fyrirframgreiddar bókanir eða APR-bókanir.
No-shows:
Það er á ábyrgð gesta að láta hótelið vita ef þeir mæta ekki, jafnvel í tilvikum force majeure eða öðrum atvikum sem ekki er hægt að ráða við. Ef hótelið fær ekki að minnsta kosti 48 klst. fyrirvara verður gjald innheimt eins og lýst er hér að ofan.
Force Majeure:
Vinsamlegast athugið að jafnvel í tilfellum force majeure gildir afbókunarstefna hótelsins áfram.
Afbókanir verða að berast skriflega og þurfa að vera staðfestar af Center Hotels til að vera gildar. Ef afbókað er í gegnum síma þarf að biðja starfsmann hótelsins um að senda staðfestingu á afbókun og geyma hana.
Réttur okkar til að afbóka:
Svindl:
Center Hotels áskilur sér rétt til að afbóka bókanir sem eru taldar sviksamlegar eða brjóta gegn skilmálum okkar eða lögum.
Vangreiðsla:
Center Hotels áskilur sér rétt til að afbóka bókanir ef greiðsla berst ekki þegar þess er krafist.
Samningsbrot:
Center Hotels áskilur sér rétt til að afbóka bókanir ef samningur er brotinn á einn eða annan hátt.
Óviðráðanleg atvik:
Center Hotels áskilur sér rétt til að afbóka bókanir ef atvik sem hótelið ræður ekki yfir á sér stað sem gerir það að verkum að hótelið getur ómögulega boðið herbergið fram, þar með talið en ekki takmarkað við verkföll, eld, flóð, bilun í rafmagni eða force majeure.
Greiðsluskilmálar:
Fyrirframgreiddar bókanir þurfa að vera greiddar með kredit- eða debetkorti, í sumum tilfellum er einnig heimilað að greiða með millifærslu.
Við tökum við öllum helstu kredit- og debetkortum. Ef þú ert með Standard Rate bókun og greiðir við komu geturðu einnig greitt með reiðufé í íslenskum krónum eða evrum. Við tökum ekki við ávísunum.
Endurgreiðslur fyrir bókanir eða aðrar þjónustur að undanskildum APR-bókunum, eru aðeins greiddar til sama korts og upphaflega var notað.
Trygging:
Ef bókunin þín er ekki fyrirframgreidd og þú greiðir við komu verður þú að framvísa kreditkorti sem tryggingu fyrir greiðslu. Með því samþykkir þú að hótelið geti tekið greiðsluna af kortinu við innritun og einnig að Center Hotels megi fyrirfram kanna kort til að tryggja gildi þess. Center Hotels áskilur sér rétt til að afbóka bókanir án frekari fyrirvara ef ekki er framvísað gildri tryggingu.
Gjafabréf:
Center Hotels selur gjafabréf sem hægt er að kaupa á heimasíðunni, á hótelinu eða hjá bókunardeild. Takmarkanir kunna að eiga við, sjá nánari upplýsingar á gjafabréfinu þínu.
Gjafabréf verða að vera nýtt í einu lagi og við bókun. Sama afbókunarstefna gildir fyrir bókanir með gjafabréfi og fyrir Standard Rate bókanir. Ef gestur mætir ekki eða afbókar of seint verður gjafabréfið nýtt að fullu og ekki gilt aftur.
Gjafabréf eru gild í 12 til 48 mánuði frá útgáfudegi, allt eftir tegund korts. Gildistíminn er prentaður á gjafabréfið.
Gjafabréf hafa ekkert reiðufjárgildi og ekki er hægt að skipta þeim út fyrir pening eða nota til greiðslu annarrar þjónustu.
Center Hotels ber ekki ábyrgð á glötuðum, stolnum eða eyðilögðum gjafabréfum og gefur ekki út ný í staðinn. Handhafi gjafabréfs skal hafa samband við Center Hotels tafarlaust við slíkt atvik.
Morgunverður:
Morgunverður er borinn fram daglega frá kl. 07:00 til 10:00. Hann er innifalinn með bókunum sem gerðar eru beint í gegnum heimasíðu Center Hotels, nema annað sé tekið fram.
Innritun:
Innritun er frá kl. 14:00 fyrir bókanir sem gerðar eru beint í gegnum heimasíðu Center Hotels, nema annað sé tekið fram. Fyrir aðrar bókanir er innritun frá kl. 15:00. Hægt er að innrita sig inn fyrr ef laust er á hótelinu, gegn aukagjaldi.
Útritun:
Herberginu þarf að skila í síðasta lagi kl. 11:00 að staðartíma. Seinni útritun getur verið möguleg gegn aukagjaldi og ef laust er á hótelinu.
Reykingar:
Samkvæmt lögum eru öll hótelin okkar reyklaus. Reykingar inni á hótelunum eru ólöglegar og gestir verða rukkaðir 250 evrur í hreinsunargjald ef reykt er inni á hótelinu.
Hámarksfjöldi í herbergi:
2 gestir geta dvalið í hverju herbergi. Í vissum herbergjategundum geta 3 gestir dvalið í herbergi. Aðeins 1 gestur getur dvalið í einstaklingsherbergi. Á íbúðarhótelinu Þingholt Apartments geta 2 – 6 gestir dvalið í hverri íbúð – allt eftir tegund íbúðarinnar.
Aldurstakmark gesta:
Gestir þurfa að vera að minnsta kosti 18 ára til að bóka gistingu hjá Center Hotels. Þetta á ekki við um börn í fylgd með fullorðnum.
Aðgengi að herbergi:
Herberginu er haldið fráteknu til miðnættis á komudegi. Vinsamlegast láttu hótelið vita ef áætlaður komutími þinn er eftir miðnætti.
Aukarúm:
Öll aukarúm eru háð framboði. Aukarúm er aðeins hægt að setja í ákveðin Superior herbergi og ekki í svítur. Hámark eitt aukarúm er í hverju herbergi. Vinsamlegast spyrjið um framboð áður en bókun er gerð.
Stefna um börn:
Börn 6 ára og yngri dvelja ókeypis ef þau nota rúm sem þegar er til staðar. Fyrir börn 12 ára og yngri þarf aukarúm þegar þau dvelja í Superior herbergi með foreldrum. Barnarúm eru í boði eftir beiðni.
Séróskir:
Við reynum að verða við öllum séróskum, þar með talið um val á herbergjum. Hins vegar eru slíkar óskir háðar framboði og ekki tryggðar.
Hópabókanir:
Við tökum á móti hópabókunum og teljum bókanir á 10 herbergjum eða fleiri sem slíkar. Smærri bókanir frá sama aðila geta einnig talist sem hópabókun. Hópabókanir geta haft aðrar afbókunarstefnur og krafist er fyrirframgreiðslu.
Hægt er að bóka fyrir hópa í gegnum bókunarsíðu Center Hotels á heimasíðu eða með því að hafa samband við bókunardeild á groups@centerhotels.com.
Yfirbókanir og tilfærslur:
Við reynum aldrei viljandi að yfirbóka hótelin okkar. Ef það gerist af öðrum ástæðum en atvikum utan þess sem við ráðum við og herbergið þitt er ekki tiltækt, munum við:
- Útvega þér herbergi á öðru Center Hotels eða sambærilegu hóteli í nágrenninu.
- Borga sanngjarnt flutningsgjald milli upphaflega hótelsins og nýju gistiaðstöðunnar.
- Greiða allan aukakostnað sem fer fram úr upphaflegu verði bókunarinnar (herbergisverð og flutning).
Center Hotels tekur ekki ábyrgð á öðrum tjónum sem þú telur þig hafa orðið fyrir vegna þessarar tilfærslu.
Óframseljanleiki:
Bókunin þín er óframseljanleg. Þú mátt ekki endurselja bókunina eða framselja hana til þriðja aðila. Þú mátt ekki auglýsa eða markaðssetja Center Hotels herbergi til sölu. Í slíkum tilvikum verður bókunin ógild og Center Hotels mun ekki viðurkenna hana.
Samningur:
Samningur milli okkar telst kominn á þegar við staðfestum bókunina þína. Enginn samningur er til staðar ef þú hefur ekki fengið staðfestingu frá okkur.
Lög:
Samningurinn okkar er háður íslenskum lögum og báðir aðilar samþykkja að leggja mál sín fyrir íslenska dómstóla. Engin önnur lög gilda.
Ábyrgð okkar:
Center Hotels ber ekki ábyrgð á vanefndum sem stafa af atvikum utan okkar stjórnar. Ef við vanefnum einhvern þátt berum við aðeins ábyrgð á beinu tjóni en ekki óbeinu eða afleiddu tjóni. Hámarksábyrgð okkar er ekki hærri en verð bókunarinnar, nema lög kveði á um annað.
Þessir skilmálar skerða ekki lögbundin réttindi þín. Ef einhver ákvæði hér stangast á við lögbundin réttindi, gilda þau réttindi umfram þessa skilmála.