Sjálfbærnisstefnan
Center Hotels og allar rekstrareiningar þess staðfesta og skuldbinda sig til að fylgja öllum viðeigandi alþjóðlegum, landsbundnum og staðbundnum lögum og reglum, þar með talið á sviðum umhverfis, heilsu, öryggis og vinnumála.
Center Hotels og allar einingar innan hótelkeðjunnar viðurkenna ábyrgð sína gagnvart umhverfinu og starfa í samræmi við alþjóðlega staðla Green Key.
Áhersla er lögð á þrjár meginstoðir: Umhyggja fyrir jörðinni, umhyggja fyrir fólkinu, umhyggja fyrir ábyrgum viðskiptaháttum.
Umhyggja fyrir jörðinni
Við berum virðingu fyrir umhverfinu og leggjum áherslu á sjálfbærar og umhverfisvænar aðferðir í daglegum rekstri. Umhverfis- og sjálfbærniaðgerðir okkar eru mikilvægur hluti af starfseminni og við leggjum okkur fram við að skapa jákvæð áhrif fyrir samfélagið í kringum okkur. Við gerum okkur grein fyrir hlutverki okkar í alþjóðlegri ferðaþjónustu og stefnum að langtíma sjálfbærri stjórnun starfsemi okkar og stuðlum þannig að sjálfbærri þróun greinarinnar.
Við leggjum okkur fram um að draga úr umhverfisáhrifum starfseminnar með þátttöku í umhverfis- og náttúruverndarverkefnum.
Við fylgjumst reglulega með árangri í umhverfismálum og setjum okkur skýr markmið til áframhaldandi umbóta.
Við stefnum að því að minnka umhverfisspor okkar með því að spara orku og vatn.
Við lágmörkum úrgang og leggjum áherslu á að draga úr, endurnýta og endurvinna.
Við notum, þegar kostur er, staðbundnar, vistvænar, sanngirnisvottaðar og/eða árstíðabundnar vörur sem ekki valda mengun.
Við fræðum starfsfólk okkar og veitum reglulega þjálfun um umhverfis- og sjálfbærnimál.
Við hvetjum gesti okkar til að taka þátt í umhverfisaðgerðum með því að auka vitund um sjálfbærni og umhverfismál.
Umhyggja fyrir fólkinu
Hjá Center Hotels leggjum við áherslu á velferð fólks – bæði gesta okkar og starfsfólks. Við mismunum ekki á grundvelli aldurs, kynþáttar, kyns, trúarbragða, fötlunar eða félagslegrar stöðu og umberum ekki misnotkun eða áreitni í neinni mynd.
Við tryggjum að við:
- Stefnum ekki heilsu og öryggi starfsfólks eða samfélags í hættu
- Stuðlum að virkum og heilbrigðum lífsstíl
- Forðumst að hafa neikvæð áhrif á líf heimamanna
- Styðjum jafnrétti, fjölbreytileika og inngildingu í öllum störfum fyrirtækisins
Umhyggja fyrir ábyrgum viðskiptaháttum
Við tökum ábyrgð á að skapa sanngjarna, siðferðilega og gagnsæja viðskiptahætti. Nálgun okkar felur í sér stefnu og ferla sem tengjast siðferði, öryggi, fjölbreytileika og stjórnarháttum.
Center Hotels leggur áherslu á vernd mannréttinda. Við erum vinnustaður með jöfn tækifæri og jöfn laun og fylgjum öllum reglum um sanngjörn vinnubrögð. Við tryggjum að starfsemi okkar brjóti hvorki beint né óbeint gegn mannréttindum í neinu landi.
Við rekum viðskipti ávallt af heilindum og virðingu og stuðlum að:
- Öryggi og sanngjörnum viðskiptum
- Virðingu gagnvart viðskiptavinum og starfsfólki
- Aðgerðum gegn mútum og spillingu
- Fylgni við öll réttindi launafólks
Center Hotels leggur til fjármuni til styrktarmála sem miða að því að:
- Styðja listir, menntun og samfélagsviðburði
- Stuðla að vistvænum lausnum
- Aðstoða þá sem á þurfa að halda
Við hvetjum starfsfólk okkar til sjálfboðaliðastarfa, bæði innan og utan fyrirtækisins, og getum styrkt slík verkefni.
Val á birgjum og samstarfsaðilum
Við höfum áhrif á heiminn ekki aðeins með eigin aðgerðum heldur einnig með þeim kröfum sem við gerum til birgja og samstarfsaðila. Við veljum þá út frá:
- Fylgni við lög
- Siðferði, sanngirni og gagnsæi
- Gæðum
- Umhverfisaðgerðum
- Stuðningi við samfélagið
Líffræðileg fjölbreytni
Center Hotels viðurkennir mikilvægi þess að vernda náttúruna og styðja líffræðilega fjölbreytni. Þrátt fyrir að vera borgarhótel leitast við við að hafa jákvæð áhrif á náttúruna með starfsemi okkar og upplifun gesta.
Markmið okkar:
- Nota plöntur eða kryddjurtir utandyra þar sem hægt er, með áherslu á tegundir sem styðja frjóbera
- Forðast notkun skordýraeiturs og skaðlegra efna á grænum svæðum
- Vinna með birgjum sem leggja áherslu á sjálfbæra uppruna matvæla, þar á meðal sjávarfang og staðbundnar afurðir
- Auka vitund starfsfólks og gesta um íslenska náttúru
- Skoða tækifæri til að styðja staðbundin náttúruverndarverkefni
Kolefnisspor
Center Hotels leggur áherslu á að draga úr umhverfisáhrifum og minnka kolefnisspor sitt.
Markmið okkar:
- Fylgjast með orku- og vatnsnotkun og leita leiða til að minnka hana
- Draga úr úrgangi og auka endurvinnslu
- Forgangsraða staðbundnum birgjum þegar það er mögulegt
- Hvetja gesti til sjálfbærra venja, t.d. endurnotkun handklæða
- Auka vitund starfsfólks um daglegar aðgerðir sem draga úr orkunotkun og úrgangi
Áhætta og neyðarstjórnun
Center Hotels leggur áherslu á að vera vel undirbúið fyrir óvæntar aðstæður og tryggja öryggi gesta og starfsfólks.
Markmið okkar:
- Halda skýrum viðbragðsáætlunum fyrir neyðartilvik
- Veita starfsfólki reglulega þjálfun í öryggis- og neyðarmálum
- Endurskoða áhættumat reglulega
- Tryggja skýr samskipti við gesti og samstarfsaðila við ófyrirséðar aðstæður
- Vinna með yfirvöldum og samstarfsaðilum þegar þörf krefur
Stöðugar umbætur
Center Hotels lítur á sjálfbærni sem stöðugt ferli. Við munum endurskoða aðgerðir okkar reglulega og bæta við nýjum verkefnum sem styðja líffræðilega fjölbreytni og minnkun kolefnisspors.