People standing in front of a mountain and lake view in Iceland, taking a picture with a camera dressed in Icelandic wool sweaters.

Við erum græn

Græn hugsun skiptir máli og þess vegna höfum við gert hana hluta af öllu því sem við gerum – allt frá innritun til útritunar.

Með græna lyklinum

Við vitum að umhverfið skiptir máli og vinnum eftir grænni stefnu þar sem sjálfbærni er í forgangi. Hótelin okkar eru Green Key vottuð og uppfylla ströng alþjóðleg viðmið.

Ábyrg ferðamennska

Náttúran fyrst

Íslenska náttúran okkar er villt, falleg og á sama tíma á viðkvæm. Frá mosagrónum hraunum til einstakts landslags - hver staður á sína sögu sem mikilvægt er að vernda. Þegar ferðast er um Ísland geta litlar ákvarðanir haft stór áhrif. Með því að halda sig á merktum stígum, virða dýralíf og skilja náttúruna eftir óáreitta er hægt að varðveita hana fyrir komandi kynslóðir. Við gerum það sem við getum til að mæla með ábyrgri ferðahegðun sem er jafnframt hluti af okkar skuldbindingu til sjálfbærni.

Sjá meira!

Grænar dagsferðir

A person standing infront of a scenic landscape in Iceland with the view of mountains and ocean, wearing a yellow jacket, black hat, white gloves and a backpack.

Umhverfisvæn ævintýri

Við erum einstaklega stolt af landinu okkar og náttúran spilar þar stóran þátt. Við viljum því gera það sem við getum til að varðveita hana eins vel og mikið og hægt er. Við vinnum með nokkrum vel völdum aðilum þegar kemur að dagsferðir um landið og erum stolt af því að geta vísað á sérvaldar umhverfisvænar ferðir sem þeir bjóða upp á.

Sjá dagsferðir

Græn & væn

Eitt handklæði í einu!

Við leggjum áherslu á hrein og snyrtileg hótel en viljum líka minnka vatns-, orku- og efnanotkun. Því eru herbergisþrif framkvæmd eftir beiðni. Ef þú óskar eftir nýjum handklæðum, rúmfötum eða léttum þrifum geturðu látið móttökuna vita við innritun eða fyrir hádegi, daginn sem þú dvelur hjá okkur.

Græn svæði

Á höfuðborgarsvæðinu

Þú þarft ekki að fara langt út fyrir borgarmörkin til að finna náttúruna í Reykjavík - hún er víðs vegar um borgina í formi rólegra garða, fuglalífs við tjörnina í miðbænum og fallegra gönguleiða við sjóinn. Allt eru þetta staðir sem höfuðborgarbúum þykir gott að heimsækja og njóta.

Endurvinnsla

Gefum ruslinu nýtt líf!

Við vitum að endurvinnsla skiptir máli og höfum sett af stað endurvinnsluáætlun á öllum hótelunum okkar. Sérstakar tunnur fyrir pappír, plast, gler og málm eru víðs vegar á hótelunum og sorpið er sent í endurvinnslu til að minnka úrgang á losunarsvæðum. Við þökkum þér fyrir að taka þátt með því að nota tunnurnar rétt.

Hjólaleiga

Reykjavík á hjólum

Njóttu þess að kanna borgina á hjóli með hálfs eða heils dags hjólaleigu. Einföld og skemmtileg leið til að sjá helstu staði, njóta stemningarinnar og uppgvöta alla leyndu og sjarmerandi staði borgarinnar. Hjólið er líka einfaldasta og vistvænasta leiðin til að ferðast um borgina. Ferskt loft, engin losun og sæti í fremstu röð í daglegu lífi Reykjavíkur.

Leigja hjól

Rafmagnshjólaleiga

Með minni fyrirhöfn

Smá aukakraftur, miklu meiri ævintýri. Njóttu mjúkrar og áreynslulítillar ferðar um Reykjavík á rafmagnshjóli – fullkomið til að fara lengra á meðan þú nýtur stemningar borgarinnar og fallegs útsýnis. Tilvalið fyrir lengri ferðir, léttar brekkur eða þegar þú vilt sjá meira án þess að svitna. Svifðu meðfram strandlengjunni eða um miðborgina með léttleika – mjúk ferð, með smá rafmagni í bland.

Leigja rafmagnshjól

Matarsóun

Ekkert til spillis!

Matarsóun er stórt vandamál á heimsvísu og við viljum leggja okkar af mörkum til að draga úr henni. Við mælum og greinum matarúrgang á hótelunum til að bæta okkur og biðjum þig að taka aðeins það af hlaðborðinu sem þú ætlar að borða til að hjálpa okkur að minnka matarsóun.

Orkusparnaður

Orka til náttúrunnar!

Við vitum að mikil orka fer í að tryggja gestum okkar þægilega dvöl. Þótt við séum í landi sem framleiðir hreina orku viljum við spara eins mikið og hægt er. Við notum orkusparandi ljós og sjálfvirka slökkvara og fylgjum notkuninni eftir með reglulegum mælingum. Þú getur hjálpað með því að slökkva á ljósum og tækjum og endurnýta handklæði og lín á meðan á dvölinni stendur.

Vistvænar vörur

Grænt og vænt!

Notkun á umhverfisvænum vörum skiptir okkur miklu máli. Við höfum því unnið markvisst að því að velja vistvæn hreinsiefni og eru nú yfir 75% af þeim vörum sem við notum í dagleg þrif og í þvottahúsunum okkar umhverfisvæn. Við lágmörkum pappírsnotkun og prentun eins og hægt er, en þegar þess er þörf notumst við eingöngu við pappír og prentun frá svansvottuðum samstarfsaðilum okkar.

Vatnssparnaður

Hver og einn dropi!

Við erum heppin með vatnsframboð á Íslandi, en við vitum líka að við þurfum að nota það skynsamlega. Við höfum sett af stað áætlun til að draga úr vatnsnotkun sem felur m.a. í sér reglulegar mælingar, stillt vatnsflæði í sturtum og vöskum og að laga leka hratt. Þú getur hjálpað til með því að endurnýta handklæði og lín, slökkva á vatni þegar það er ekki í notkun og láta vita ef þú sérð leka.

Félagsleg ábyrgð

Menning og gleði!

Okkur finnst fátt skemmtilegra en að taka þátt í menningarviðburðum í miðborginni og höfum með stolti stutt hátíðir á borð við Iceland Airwaves, Myrka músíkdaga, Extreme Chill, Skáksamband Íslands, Reykjavík Jazz Festival, Eve Online, Hönnunarmars og Listasafn Íslands. Með því að styðja við þessa viðburði erum við ekki aðeins að styrkja menningarlífið heldur einnig að skapa einstaka upplifun fyrir gesti okkar sem fá að tengjast íslenskri menningu á meðan á dvölinni stendur.

Sjá meira!